آی شعريمين بولاغی، آنايوردوم
اورگيمين چراغی، آنا يوردوم

دولار ، بلبل، قمری سسی باغلاردا
آچيلار گويلوم قفسی باغلاردا
گول عطری بَسلر نفسی باغلاردا

طارم ،يئر اوزونده بهشتی باغ سن
گوزل ليقدن ، طراوتدن بولاغ سن

خوش عطری وار كولشن بوغداليقدا
اوراخلار سس - سسه وئرر قاريقدا
بيچين چی لار سنبل دوزار باقليقدا

همّت تری قزل دن قيمتلی دی
زحمت چكن هميشه عزّتلی دی

آغاجلارين كولگه سی چوخ ياتمالی
يورقونلوقی كور دونيايه ساتمالی
يتيشمه ميش آرزيلارا چاتمالی

يوخی اولوم قارداشی دی دونياده**
تنبل لرين يولداشی دی دونياده

چای قيراقی اوينامالی مكان دی
عومريميزين گچماقيندن نشان دی*
حيف اولا كه گاهدن ائولر ييخان دی

بنزر سازه طبيعتده چای سسی
غم، غصه دن تئز قورتارر هركسی

جيران گزر، كهليك اوچار داغلاردا
آدام گورجك، دوشان قاچار داغلاردا
گويلوم قوشی قاناد آچار داغلاردا

غربت يئرده اللهيوی ايتيرمه
اوز ريشه وه گوزله صدمه يتيرمه

آغاجدا نار هرگورنی چاقيرار
انجيل اوزوم سنی ، منی چاقيرار
گوزل ليقلار ايستی ينی چاقيرار

طارم سنون باغ بستانين  وار اولسون
دوشمنيوه بويوك دونيا دار اولسون

زيتون دَرَن سسی باغلاردان گلير
چوبانلارين سسی داغلاردان گلير
قز گلين سسی بو لاغلاردان گلير

باغدا، داغدا، بولاغوندا گوزوم وار
آيری آيری ، تك تكينه سوزيم وار

طارم سنون هئچ وقت گونين باتماسين
اوشاقلارين اصالتين آتماسين
بوش دونيايه شرافتين ساتماسين

بزك ، دوزك اولموش دونيا يالاندی
يالانلارا آللانميياخ آماندی

سراينده : سيد حسين موسوی
www.hoseinmousavi.blogfa.com
توضيحات :
** النوم اخ الموت- خواب برادر مرگ است
*  حافظ : بنشين بر لب جوي و گذر عمر ببين ...

سراينده : سيد  حسين موسوی

www.hoseinmousavi.blogfa.com

سراينده : سيد  حسين موسوي

یاشول چالسون باغلاری بۏستان لاری              اۆزوم ،انجیر لریم، ناروم یاشاسون

الله دان ایسترم اۏ آباد اۏلسون                            اۏردا یاشیانلار دائم شاد اۏلسون

چالوشسونلار اکینچی لر شوقیله                    خرمن لری دۏلی هر بیر زاد اۏلسون

اکین یئری لری صفالی اۏلسون                                جوان اۏغلان قیزی وفالی اۏلسون

قارا سقّل آغ سقّل لر ایمانلی                        گؤرسنمه سین بیر کس جفالی اۏلسون

منیم اصلیم سۆموک لریم اۏرداندیر                   اۏرا منه هم اۆرک دیر هم جان دیر

وفاسوز دؤڲولم یادومدان چیخا                         وطندیر، وطنی سئومک ایمان دیر

طارم! هندوستان سان سن بو استاندا             استان جان دیر، سن نفس سن اۏ جاندا

سنین آدون کتابومه قۏیموشام                                         تانوناسان هر دیاردا هر یاندا

بیله لر داش قومون لعل و مرجان دیر                        اکین یئری لرین گۆل تک الوان دیر

هرجۆر محصول وئریر سنین یئر لرین                 سریمساقون چۏخ درد لره درمان دیر

زیتون آغاج لاری دوه قطاری                           دۆزولوب چکیلیب هریانه ساری

یای قیشدا یاشول دور زمرّد کیمی                      باخارام داغولور گؤولوم غباری

قیزیل اۆزن سویی آرادان آخار                         خمسه طالوش داغی اوجادان باخار

ایکی داغدا طارمه فایدا وئرر                           اۏ وقت کی بولود لار گؤز لرین سیخار

قیزیل اۆزن سویی قیزیل گتیریر                       یئر لر ایچیر سویون قیزیل بیتیریر

اکینچی لر دۆڲی اکر اۏ سودان                              ساتوجی لار شهر لره یئتیریر

سۏغانی، بهاره یئرآلما لاری                          ماشین لار دۆزولر گیلانه ساری

هامی میوه لری خۏش طعم اۏلارلار                 شیرین اۏلور قارپوز طالبی لاری

هاواسی معتدل بیرآز ایستی دیر                         قاری قۏجا لارون قیشدا دۏستو دیر

اکینچی چین مناسب دیر محصول لار              هر وقت گئتسن اۏردا خرمن اۆستو دیر

علی شیعه سی دیر هامی میلّتی                  چۏخ چۏخ ایستیر لر اسلامیّتی

شجاع دولار آتوب ووران عشایر                              جانون وئرر قبول ائتمز ذلّتی

طارمی تاریخده تعریف ائدیب دیر                     داغ کیمی فاتح لر گلیب گئدیب دیر

زحمت لر چکیب لر وطن یۏلونده                              سردار جنگله کمک ائدیب دیر

سرگرد حشمت اله ستوان بهمنی                        قان لاری لاله زار ائدیب چمنی

بستاندان قۏوزییب عراق قۏشونون                   جان وئریب لر ساخلییب لار وطنی

طارم! سلطانی ده سنین بالان دیر                  سنین عزیز آدون دیله سالان دیر

یاشا گینن منیم گؤزل وطنیم                                دنیا وارکن افتخارون قالان دیر

سروده:مرحوم امان اله سلطانی10/12/1380 http://mayssamin.blogfa.com

خرداد آيي گلدي گنه گوز ياشار
زلزله دن اوركده كي ،  كوز ياشار
مرثيه باشلارام يازام  ،سوز ياشار

طارمين آي ساق آلمييان ياراسي
الدن گتميش  ،نه چوخلي آي پاراسي

طارم جان قاندا  ايسلاندي چورگين !
گجه ياري ، يارالاندي  اورگين
آوار آلتيندا اولمادي  كومگين

نامرد لره  باغلاما بئل گوزليم
نامرد يانيندا  آغلاما گوزليم

زلزله، آنادان آلدي مارالي
اورگيم يارالي،  سوزيم يارالي
جوانين اولومي اوركده قالي

بيزلرهامي گتملي، دونيا،يولدي
هر گول  آچيلدي، آخرينده سولدي

گتدي گوزللرين،باشين ساق اولسون
عزتين آرتا، همتين  داغ اولسون
شكرائله،غم ييمه،اوزون آغ اولسون

       گوزل طارم، موسوي دن تسليت !
   صبريوه  ، اقتداريوه  تهنيت

    سراينده : سيد حسين موسوي  www.hoseinmousavi.blogfa.com

از شاعر فرهیخته  شهرستان طارم جناب آقای موسوی به خاطر اشعار زیبا در وصف طارم وارسال اشعارشان برای وبسایت شهرستان طارم کمال تشکر و قدردانی را داریم.

سندستان داغونون باشی اوجادیر

دومان گلسه گۆنوزوده گئجه دیر

چۏپان سسلر یۏلداش حالون نئجه دیر

ککلیک اۏخور داشلاردا چن آلتوندا

گۆلاب تک سو آخار چمن آلتوندا

گؤزل سندستانوم چمنلی یوردوم

جاوانلوق فصلینی من سنده سۆردوم

گؤزل دسته گۆل لر دؤشلرده دردوم

هر یانا باخارسان چمن دیر سودور

چمنده اۏتلیان قۏیون قوزو دور

قیزلار دسته دسته تره دررلر

سئون اۏغلانلاری یاده سالارلار

آه چکیبن اۏدلی یار یار دئیرلر

هر کس سنه گلسه دردی تزّه لر

سئودیگی گؤزلی سنده یاد ائلر

 دؤشلرده گؤگریب گؤی تره لرین

یارپوز، پونه، سبز ائدیب دره لرین

الوان اۏلوب گۆلدن پاک سره لرین

دۆزلرین چمندیر نه قدر باخسان

طبیعتینده یۏخ بیر ذرّه نقصان

یۏوشان دیبیندن اوچار قازالاخ

هر یانه باخارسان چمندیر بولاخ

بلبل لر چیچکه سالوبلار یۏلاخ

چۏخ صفالی چۏخ گؤزل سن سندستان

دۆزلرین چمندیر داغون گلستان

اوشاقلار وورارلار تۏپی هر یانه

جئیران تک قاچارلار اۏ یان بو یانه

قیزاروب اۆزلری دؤنوبدور قانه

بسلییب سندستان هواسی بئله

گۆل ایچینده گزیب اۏخشارلار گۆله

اوشاقلوقده خان داشونه چیخردیک

اۏ اوجادان اۏبالاره باخاردیک

شوخلوق ائدیب ییخیلردیک ییخردیک

داهی اۏ گۆن بیرده بیزه ال وئرمز

قدرین بیلین کئچن گۆن دالی گلمز

یئر اوزونده  یوخوندی ،گوزللیخده تای طارم !

اورکلرین  فره سین، باهارده آپاررسن

گورملی باغلارینده ، دولاندیریب، یای طارم !

داغدا کهلیک  سسیندن ، قوزولار جرسیندن

اورگیم دوشوب  قالوب، مست اولموشام، دای طارم !

یایدن پاییز  چیخنه ، اتگین دولوب داشار

بال کیمین  میوه لردن،سخاوتلی ، آی طارم !

باغلارین  کولگه سینده، جوانلاشار اوره کیم

تندیر دکی  چورکدن ، گوندرمنه پای طارم !

  سراینده: سید حسین موسوی www.eshghagin.blogfa.com 

گوزل طارم سیندیرمه هئچ اورگی !
داش ایلمه  هئچ طاباخده چورگی

قزل اوزن تک قزل اوزیگین وار
خرمنه سر تک گورملی گوزل غار
کجر کیمین  اوجه بویلی نازلی یار

نارگوزلی، زیتون  اورکلی ،شاه یاشا
یایدا کولگه،قیشدا  پناهگاه ، یاشا

باهاردا گول لنب گوزل لنرسن
خسیسلیقین آغاجیندن انرسن
یوخسوللوخدن اربابلیقه دونرسن

چورک وئرن ، دریا اورک ، اربابیم !
اوزی گولش،  گوللی اتک، اربابیم !

بایرام گونی اوشاق ، بویوک شاد اولار
آغیزلارده محبتدن داد اولار
اورکلر کهنه غمدن آزاد اولار

بایرامسیز یوخلی  قویما ائوده یاتا
مردمی شاد  گوره، غملری آرتا

باهارین قانی اوینار رگلرینده
جنت تک باغلارین گولر سرینده
گیلانکشه  گولر، صومه برینده

همیشه باغلارین دولی نار اولسون
دوشمنین دونیاده  گرفتار اولسون

یایده سخاوتین  اوجه یتیشر
انجیر،اوزوم ،فندق،گوجه یتیشر
نادان اولانلار چوخ یی یب چرپیشر

گوزل طارم سن سیز گورمه سین گوزوم !
اورکده عشقیم  سن، دوداخده سوزیم

توی آخشامی کتده گلین چیخنده
بگ بیر  اوجه دامدن آلما سیخنده
اوشاقلار  بیر بیرین یره ییخنده

آرزیلارچرپینار  ،جانیم آلیشار
اورک سازینده  کی سیملر قاریشار

عاشیقلرین شاد  نغمه لر چالنده
یاره اورکلری  اله آلنده
غریبی، کرمی یاده سالنده

منیم ده بیر  سینن قلبیم یاد اولسون
اوره گیزین  ائولری آباد اولسون

حیالی،قز،گلین،اوغلانلارین وار
شرفلی برزگر،چوپانلارین وار
طراوتلی گوزل بستانلارین وار

عداوت ،کینه،محنت،بی  ثمردی
بو دونیا  یولدی انسان رهگذردی

گوزل طارم دونیانین یوخ وفاسی !
بو بیرحمین یوخدی آتا،آناسی
جوانلار اولدورماخدن  یوخ هراسی

وفاسیز،حیاسیز،ظالمدی  دونیا
بو جورنامرد اولاننان یولداش اولما

گوزل طارم کومک سیزه،کومک اول !
باقلی قالان  سفره لرده چورک اول
نامردلرین یاره سینده ، نمک اول

دونیاده بیر  یاخچی ، بیر یامان قالار
نه قوجا،  نه اوشاق، نه جوان قالار

قویمییاخ  قوروسن محبت باغی
آرامیزده  دوشه آیریلیق داغی
اورکلرده  گچه عشقین چراغی

اورکلری سیله قین کینه لردن
حرص آغاجین قوپاردخ سینه لردن

گوزل طارم فقیرین گوز یاشین سیل !
دردینی سنه  دئمه میش اوزین بیل
یاقیشلی پر بار اول، عزتلی هر ایل

سخاوتدن بولاخلاردن دولوب داش
دی هانسی  آجی آخر توخ ائدیب داش؟

گوزل طارم دوستی ، دوشمنه ساتما !
قرانلوقده ،آرپه، بوغده یه قاتما
گجه سئل گلسه نامردی اویاتما

هلاکتدی ظالملرین جزاسی
توی اولار  مظلوملاریچون عزاسی

صفالی ، گوللی  صومعه بر دی کندیم
رگیمده قان اودی، آغزیمده قندیم
اوره  وابسته ی هر بند بندیم

همیشه روحیم  اوردا،جانیم اوردا
اوره گیم  اوردا دی، ایمانیم اوردا

اورکده خاطیره لر تازه لندی
جانیمده داش  اولن شّکر الندی
آلاردیم قشقیرنده باشه کندی

گه اوی  نییب ،گه الشن گونلریم
هر گون  بیر آغاشدن، دوشن گونلریم

قیش قیش ،  توپ آغاجی ، گیزلن پاچ
قیشی گوتردن دایانما تز قاچ
گیزلنب دیردخ  دای گوزلرین آچ

گرتیکان اوتوزدرنده آغلاردیخ
گرتیکان اوتانی داشه باغلاردیخ

آغاشدن آغاشلاره دیرماشاردیخ
ایش برک اولنده آغ یالی آشاردیخ
غم ، غصه  سیز،دییب،گولوب یاشاردیخ

نه تز منی  قویوب گتدین اوشاقلیق
زندگی ده حیران  اتدین اوشاقلیق

گزردیخ باغلاری  سیزده بدرده
اویناریخ  آغ یالده، شوره بکلرده
دمبالان تاپاردیخ ، تاپده ، دوزلرده

گوزل کندیم  بایرام اولسون، توی اولسون
اورکلرین  محبتیله دولسون

هزاررودین یاشیل  کوینکلی کندی
نارلری ارزشدن سالوبدی قندی
دریا اورکلری  چورک وئرندی

شفیعی لر،شریفی لر یاد اولسون
اورکلری کی دونیاده شاد اولسون

زهتر آباد باغلاری ، پاسار چایی
بهشته اوخشییار لذتلی یایی
سرین لیقده  ، صفاده یوخدی تایی

سلام اولسون شرافتلی ائلیوه
شکر اتماقی جاری ائله دیلیوه

دونیا بیزی ساتوب،تورپاخ آلاجاخ
یاخچی بشر  اورکلرده قالاجاخ
نامردی حق الله، اوته سالاجاخ

زندگانلیق بیر  سرعتلی قطاردی
تا کپریک  وورسن عمرین قوتاردی

یر اوزینده  ، وارلی چوخدی،انسان یوخ
تسبیح سویه چکن  لرده، ایمان یوخ
انسانلر شیطان  اولالی شیطان یوخ

قوجالماخ  ایمان گتیرمز انسانه
چوخ قالماخدن آباد اولماز ویرانه

گوزل طارم گوزل لیخده آدین وار !
بهشتی میوه لردن هر زادین وار
منیم تک غم داغینده فرهادین وار

عزیزایرانیچون هندوستان سن
او غیرتلی،  شرفلی تنده ، جان سن

گوزل طارم ظرافتلی غزل سن !
منیم شعریم  شکر اولسا،عسل سن
بو ایران  ایچره، معشوق ازل سن

خزان سیز  گورملی، گویچک باهاریم
امیدیم،عشقیم،عمریم،اعتباریم

گوزل طارم شرفده سلطانیم سن !
اورکده افتخار،  رگده قانیم سن
دوداخده سوزلریم، تنده جانیم سن

غزلسن موسوی  نین سوزلرینده
آنا یوردوم،  ایشیق سن گوزلرینده

سراینده : سید حسین موسوی
توضیحات:
قزل اوزن= رود  قزل اوزن
خرمنه سر: غاری در روستای ده بهار طارم
کجر: کوه بلند پشت روستای گیلانکشه ی طارم
گیلانکشه، پاسار، هزاررود، صومعه بر، زهترآباد= نام چند روستای طارم
شوره بک = نام چمنزار طبیعی در صومعه بر
آغ یال = نام  کوهی در صومعه بر

              ملک قرآن است طارم،مهدایمان است طارم    

                                                                         باغ رضوان است طارم،شهرخوبان است طارم

             درجهان علم و حکمت،پیش دانش پروران    

                                                                         صاحب عزاست طارم،مالک شان است طار م

            از ادیبان سخن  سنجش به عالم سرفراز      

                                                                                منشاءدین پروران و پاکمردان است طارم

           عارف شیراز گرنازد به رکن آباد، باد             

                                                                                مفخر فخر و تجلی گاه عرفان است طارم

           گنج فرهنگ است طارم در نگاه اهل فضل     

                                                                               صاحب صدها اثر ازروزگاران است طارم

          مردم طارم ز تدلیس و ریا وریب دور              

                                                                              مردمی را از ره ایمان نگهبان است طارم

          غیر یکرنگی به طارم،طارمی رارنگ نیست   

                                                                           ملک انسانهاست طارم آری اینسان است طارم

         ذره ذره  خاک طارم،لعل ویاقوت است و در   

                                                                          ازهمین زرخیزش مشهور دوران است طارم